Michael

Michael呢個名，係我自己亂作o既。:p

話說1月1同男友返娘家食飯，阿媽硬塞一堆o野過我。

係一包來自遙遠o既貴州o既當地特產 — 米糕！

我阿未來弟婦比我阿媽，阿媽又食唔晒，就塞比我。

阿媽教就咁用平底白鑊慢火煎就OK，我見又好似幾得意，就拎返屋企。

之前試過跟阿媽個方法整一次，幾好食，外脆內軟。

今朝起身，得鬼閒之下又整o黎玩下。

以下，係一個「不聽老人言，吃虧在眼前」o既好例子：

先預備一個汁，用整o野食果o的掃掃舊糕度o既。汁材料：少許麻油，老抽，生抽，再加埋蜜糖撈勻就得，作用係比返少少味個米糕，同埋加o的色水，靚o的咁o羅~

再用一個鐵網，放響爐上面燒，鐵網購自吉之島$10店，咁我諗住日式年糕都係咁整，貴州米糕無理由唔 work o掛？

掃o的汁響兩面燒...

燒好！係咪好靚呢？有網紋添o架！

不過淨係得中間係熟，兩邊唔熟 :p 舊米糕太大舊，我應該切細佢先，受熱唔均勻。>.<

所以之後用返平底鑊煎，即刻好食一百倍！側跟果舊係紅色版落o左紅糖整，味道比較甜o的，似唔甜o既年糕o羅~

失敗乃成功之母，努力努力！