(copied from ★☆娜娜☆★ 個 hompy)
羅湖恐怖事件 (親身經歷)
時間：農曆七月十四、十一點三十分
地點：羅湖出境大樓
本人係羅湖某 department o既職員。
o個日係農曆七月十四，係十一點半o既時候，已經冇咩人過關，所以個大出境大樓已經冇咩人喇。
o個個時候因為我要寫 log book 嘅關係，所以係一個黑暗o既角落度寫，順便偷下懶，等收工。
突然間，有隻手o係我背後度搭落o黎！
用低沈o既話氣叫：「亞sir ~~~」
咁我向後一望，係一個大慨 80歲 o既亞伯。
然後個亞伯拎住自己張身份証，問我：
「亞sir ~~ 點樣可以取消張身份証，申請死亡証呀？」
我當時望下張身份証，以為自己眼花，所以再望多幾下，點知真係個亞伯個樣。
我心諗唔係咁邪呀？六合彩又唔見我中？！
我即刻嚇度標冷汗，腳又震，勁想走！但係又唔走得，因為著住制服。
我靜o左十幾炒，之後我就扮冷靜，同佢傾計。
我問：「幾時唔o係度o架？」
亞伯眼濕濕咁答：「早兩日囉~ 無端端咁就唔o係度喇~」
我當時想叫出o黎！！！
但係又驚我一叫，個亞伯會俾個鬼樣我睇。
我再問：「係邊度過身o架？」
佢答我：「係深圳呀~」
咁我就問：「咁我以家有咩幫到你呀？」
佢話：「咩都唔洗，淨係幫我老婆申請張死亡証。」
我話：「你老婆？！乜唔係你咩？」
佢話：「大吉利是！！！我老婆！唔係我呀！！」
我話：「咁你又拎你張身份証俾我睇？」
佢話：「o下？！係我個張咩？！」
跟住佢就望一望，拎o左第二張出o黎。
佢話：「亞sir~ 唔好意思，我老得滯，眼花，睇錯o左。」
我就足足鬧o左佢成十分鐘：
「唔好玩喇亞伯！嚇死人喇！！七月十四攪o的咁o既o野！」
個亞伯就好唔好意思咁，係咁話對唔住。
真係 100% 真人真事！全羅湖同事都知！我o個時真係好驚，但係諗番都幾好笑，見過咁多次死人都冇今次咁驚！
發佈留言