一週飲食雜談 (下)

尋日下晝食 tea,去完 busy workshop 大潮聖之後去o左 IFC,講開又 講,busy workshop 啦下係吉舖一間,入面係無o野買o架 (開舖無幾日已經比人買到一件不留),行完入去唔夠 5 分鐘就走o左,但係門口結集o左好多著住 (唔知真定假) bathing ape o既億萬少年。億萬少年入侵中環,o意~~~~~~:em_40

但係我見到有人 (應該係遊客) 買到三大袋o野!好堅!!吉舖都買到o野!!

講完無聊o野,講返食,去左 Triple O 食 burger 喲~ OH I miss it so much!隔一陣無食就心癢癢~


先來杯解渴之 strawberry milkshake,極品雪糕加上牛奶無添加,即叫即手打,$32,我依然覺得係值!


連薯皮之真正 fries,係啦,係啦,係好肥!但係肥比佢點都抵過肥比老麥呀 right?


主角-最好味的 junk food,爆汁 juicy mushroom burger,一個人食飽得滯,一人一半就o岩o岩好啦!

mushroom burger combo 價$58,再加埋 milkshake 埋單齊頭 $90。

...........................

星期六晚,本復活節假之重點活動,睇詹瑞文《男人之虎》!!睇完,art center 行到出o黎都已經 10.45pm,最後係叮叮去老銅食翠華。(本來想去的 Robert Tom 蘿蔔湯原來已經摺ed,可惜可惜~

鐵板雜扒餐,宵夜極盡奢華之能事!當然,2人 share,你唔係諗住我一個人食晒佢呀?


深宵16度下有碗唔係好熱的羅宋湯,好過無啦~


牛油厚多士,很讚!


大堆頭之雜扒餐配蒜蓉汁,雞扒 搭 豬扒 搭 牛扒 搭 腸仔 搭 煙肉 搭 焗薯 再搭 大量蔬菜,都真係無野好講啦!11pm 啦喂!

埋單 $56,侍仔寫漏o左杯凍檸茶!哈!

...........................


最後呢個係我第一樣響新屋企煮o既o野,因為個石油氣爐未 fix 好,得個打邊爐用電爐仔,唔,煮o左公仔麵o羅~ hee hee

都唔拿西o架,黑椒豬手出前一丁洒上大量蔥段,我諗都叫見得下人丫~

將就下啦~ 個爐未搞掂呀!:em_41

────────────────────────────

Triple O's
地址:中環交易廣場The Forum 1樓平台10號鋪
電話:3401 4000
菜式:澳洲 / 快餐

翠華餐廳
地址:銅鑼灣景隆街20-22號地下
電話:2573 4338
菜式:港式

Designed by OddThemes | Distributed by Gooyaabi Templates