[急徵] 各類治喉痛良方

經過澳門兩日的瘋狂吃喝,加上昨天我「唔生性」幹掉了一個老麥的雙層魚柳包,我的喉嚨今天有如被火燒一樣的痛,連牙肉都脹痛起來,當然還附增一顆大「菲滋」。

已經試過鹽水漱口,吃銀翹解毒片,塗西瓜霜,通通唔work。

下星期要去旅行啦,我好擔心會病,各位有沒有任何強勁的治喉痛熱氣良方呢?

lunch 時去喝中醫處了杯雞骨草茵陳茶,希望會好o的啦~

--------------

我阿媽提供:鹹竹蜂中爛沖水飲。

SKYau 提供:吃枇杷膏,不加水。

Carrie 提供:清熱浩,Difflam 喉糖。

PATSY@AIR 提供:咸柑桔中爛沖暖水,AUS/NZ 出品的蜂膠滴落個口。

Sammi 提供:飲野葛菜水。

aw 提供:藥性消炎漱口水早晚漱口。

07bb 提供:喝清熱用的三冬茶和牛黃解毒片,灑些鹽到「菲滋」。

kit 提供:法國雙飛人藥水。

匿名 提供:菲滋塗Bonjela好有效。

Phoebe 提供:羅漢果煲湯 / 煲熱水飲。

apple 提供:健康工房「三冬茶」中藥沖劑。

cherry 提供:飲雞骨草 / 半枝蓮,「菲滋」用白兔牌吻百蜜。

ZZ 提供:鹹竹蜂中爛沖水飲。

gia 提供:早晚用李詩德林漱口。

阿花 提供:飲多o的暖水,早o的訓。

宇宙人 提供:灑些鹽落「菲滋」。

Aries 提供:咸甘桔。

PM 提供:飲以羅果子鹽。

lulu 提供:熱可樂煲薑。

Q 提供:粟米薏米水,食得清淡o的,萍果同橙 / 西柚,余仁生盒裝即食龜苓膏。

Winnie 提供:蜜糖水。

yy 提供:楊桃。

tracy 提供:咸甘桔+蜜糖,鹽水漱口。

朋友X 提供:鹹竹蜂焗水飲,加蜜糖。

匿名 提供:30mg Lysozyme,一日食三次。

anf 提供:灑鹽落菲滋,飲咸甘桔。

歐晶瑩 提供:思必樂喉糖。

24 則留言:

SKYau 說...

這幾天吃清淡些便可以了.也吃些枇杷膏吧,不要加水.

Carrie 說...

清熱浩同Difflam喉糖(唔到最痛都唔好食呀)

PATSY@AIR 說...

有冇咸柑桔?有的話中爛佢.沖暖水.怕酸可加少少HONEY!

蜂膠都可以..AUS/NZ出品既有保證D.係滴落個口到.苦苦地 ..但係我老公試過.早晚滴係幾快有效!

Sammi 說...

去飲野葛菜水呀, 我次次生痱滋飲左第二日即好勁多!! 不過佢應該係勁涼的, 你要睇下自己頂唔頂得住~ 隔日飲一定好快ok!

講開又講..我次次去旅行都一定生痱滋, 好慘=_=

AW 說...

去藥房買支有藥性o既消炎漱口水,四十幾蚊左右,早晚用,2日左右搞掂

kit 說...

法國雙飛人藥水有消炎功效

Icey Cake (冰餅) 說...

割喉放血。Just kidding. 喝淡 salt water could work.

匿名 說...

菲滋塗Bonjela好work。

匿名 說...

菲滋塗Bonjela好有效。

apple113 說...

健康工房三冬茶. 去店子飲果d太勁, 三冬保健茶包太mind, 最好係買「三冬茶」中藥沖劑, 萬寧/健康工房有售. 一日三次, 每次飲一包, 唔苦o既, 包你喉嚨唔痛, 感冒清埋, 水腫都散添!

cherry 說...

飲雞骨草or半枝蓮...清熱解毒
菲滋就可以用白兔牌吻百蜜

Gia 說...

我好易生菲滋架, 對我最有效就是早晚用李詩德林漱口, 漱口時那那地, 但好快痊癒^^

阿花 說...

你咁心急,食咩都唔會有效0家,

你飲多D暖水,今晚乖乖地11點前訓,
試下呢幾日都係咁會唔會好D?

唔好亂食野啦~

宇宙人 說...

灑些鹽到「菲滋」真係 WORK , 不過就痛 D, 最好就用手/工具 UN D 鹽落去「菲滋」個位一兩分鐘.

不過比起「菲滋」, 更加要擔心既唔係爆瘡咩 ??

Aries 說...

Hey~~我有媽媽牌私伙咸甘桔,萬試萬寧,有需要就通知我啦!

pm>> 說...

飲以羅果子炎 la

LULU 說...

熱可樂煲薑,飲完個喉嚨好舒服

Q 說...

可以煲一d清熱去濕0既湯水如粟米薏米水飲, 呢幾日食得清淡d , 減低身體0既"負擔" . 萍果同橙 / 西柚對你有d幫助. 一早(空肚)一晚果子鹽,可以幫你下火排毒.
想非之快d好, 可以去余仁生買佢0既盒裝即食龜苓膏. 我次次生非之,今日食左佢, 第二日就唔會痛. 不出2日,就會好番.
最緊要係 : 早d訓 , 多飲水.
唔好心急唔好炆"火爭",凡事心平氣和就會好快好番架喇 ~
祝早日康復 !

winnie 說...

沖d蜜糖水飲,滋潤下個喉嚨

hoyoyi 說...

你的状况和本小姐一样。。。我现在痛到右边的牙银和最后的两颗牙都痛,很想把它们拔掉!!! 热气啊。。。昨天,朋友拿了点蜜糖给我,说有效,今天就用着,看看有没有效。。。 西瓜霜对我们的最毒痱滋是完全没用的, bonjela也一样。。。用盐来刷一向都对我没什么作用,只有痛到飚眼泪。

埃!我已经喝很多很多很多水了。。。

谁叫我自己贪吃。。。食得咸鱼就要抵得渴。。。

sammi讲去飲野葛菜水,我都想试一试。。。

祝你的痱滋快消失!!!

yy 說...

對付喉嚨痛 試下食楊桃 會有幫助呀

我都為我下星期的西藏trip努力戒緊口呢...

tracy 說...

1. 咸甘桔+蜜糖

清熱可朝早飲鹽水, 中午飲蜜糖水~

(唔好捱夜會好快 d~)

不斷用鹽水漱口, 灑些鹽落「菲滋」很自虐... 很痛呢~ (不過我都會咁做. 好過用西瓜霜, 雙飛人都可消炎殺菌架~ 又無咁痛~)

匿名 說...

Take Lysozyme la...30mg three times a day...it works ga...(no prescription is needed...just go to consult a pharmacist is okay ga la.)

anf 說...

我覺得灑鹽落菲滋或者飲咸甘桔掂!