《戀之罪 (Guilty of Romance)》

話說剛才獨自在文化中心看完園子溫新作《戀之罪 (Guilty of Romance)》(電影節場),散場後步往尖沙嘴地鐵站,聽到身後有對年青情侶的對話,男女都一副典型潮文藝青年打扮,好青春但(我 assume 佢哋)一定夠18歲啦吓。

男 (好醒的語氣):「嗱!呢啲戲先係電影節睇㗎嘛!」
女:「點解嘅?」
男:「哇呢啲戲點上正場呀?一定唔會上啦!」
女:「咁其實套戲想講咩呀?」(佢個語氣好似求先佢無份睇嘅咁....)
男:「........」

咳唔咳唔,首先回答少男的第一個問題,就是《戀之罪》是會上正場的,而且是4月5日就會上畫了 (資料來源:驕陽電影),原裝足本 113 分鐘。第二個問題,哇,大佬,這個問題要直接問導演喎,你個男朋友仔邊答到你呀?

當然,我買電影戲票時亦未有想過會否上正場的問題,作為一個電影愛好者,看電影這回事永遠都是「早看早享受」㗎啦!但既然他有機會上正場,我又不便劇透太多了。

故事說,在涉谷一個荒廢屋內發現兩具女屍,頭部不翼而飛,警員接報查案;嫁予知名小說家的泉美 (神樂坂惠 飾),過著規律而刻板的生活,因為生活苦悶加上丈夫長期冷落,去當超市售貨員,被誘騙拍 AV,因為性得到滿足和快感對生活帶來極度衝擊,開始沉迷與陌生人做愛;偶然認識當街頭娼妓的美津子(冨樫真 飾),想不到美津子真身是個文學教授,兩人亦師亦友,迷失的泉美在美津子帶領下成為娼妓一員。此時女屍案亦逐漸越來越接近真相,兩人的關係亦越來越複雜,謎底進一步地揭開 blablabla.......

這部電影其實是想說「愛和恨」(恨之三部曲之三);用女人做主導,所有男人其實都是配角!我是冒著導演的名字才入場的,對兩位女主角皆毫無認識,只覺得她們都非常利害,冨樫真有點 over act (好鬼舞台劇呀佢......) 但又要露又要有演技實在殊不容易,神樂坂惠則絕對值得 10 thumbs up!(神樂坂惠是園子溫的太太!!)想不到電影有拍手場口,還有金句!那位老太太又是狠角色!當然嗜看血腥暴力的場面,這一部就會略嫌失望,但我個人來說覺得氣氛取勝,好些場口也覺得有怪到極點的感覺。另,我也很喜歡電影中她們唸的那首詩 (田村隆一的《歸途》)。園子溫的粉絲一定要捧場喔~

「早不該去學習語言,
就因為懂得日語和一點外語,
我只能在你的淚水中止步。」
——田村隆一《歸途》

噢 Yeah~ 說到園子溫,怎能不提他的另一部新作《庸才》(改篇自古谷實的同名漫畫),俺是古谷實的超級死忠粉,這部是必看之!!!期待~~

第六屆亞洲電影大獎
第64屆康城影展導演雙周單元參展作品;
西班牙Sitges奇幻影展FANTASTIC ORBITA AWARD最佳影片;
第85屆日本電影旬報大獎
第33屆橫浜電影節

超級醜樣的港版海報,想點呀喂?


《戀之罪》港版預告


女主角神樂坂惠專訪

7 則留言:

Jerk 說...

其實我買飛果陣都係以為唔會上正場......~~

Patricia Wong 說...

Jerk > 電影中心啫凈係得。

布‧風 說...

其實依個係被刪剪既版本,
真正既 144 分鐘只有去到日本至睇到。

所以買飛既人有幾類:
- 電影節買飛果陣,以為永遠唔會有正場
(結果幾日後,電影中心會上,仲要上先過電影節)
- 唔理片長既人,以為電影節係會上 144 分鐘原版
(其實有睇節目簡介,只係會上 114 分鐘國際版)

Frankiewoo2001 說...

「庸才」之前睇左,改到同古谷實既原著差唔多的係兩回事!至於「戀之罪」,國際版差唔多成條女警既線都剪晒!

梁家の鬼嫁 說...

看完預告片,好想看呀!

頑生 說...

我都係同你睇同一場。知道上正場都會睇, 係因為可以響文化中心同好多人一齊睇。

失望既係, 成條女警線剪到冇咁濟。好想睇番!

《庸才》雖然同原著好唔同(主旨都唔同), 但我都好鍾意。

頑生 說...

sorry, 頭先以為留唔到言, 留左好多次。